Premyer Liqanın oyunlarına təyinat alan baş hakimlər və köməkçi hakimlər üçün yanvarın 6-dan 12-dək Türkiyənin Antalya şəhərində təlim-məşq toplanışı təşkil olunacaq.
“İki sahil” xəbər verir ki, toplanışa AFFA Hakimlər Komitəsinin sədri Frank De Bleker rəhbərlik edəcək.
Təlim müddətində hakimlərə UEFA-nın mütəxəssisləri - köməkçi hakimlər üzrə Leif Lindberg, VAR üzrə Christof Dierick, fiziki hazırlıq üzrə Prof. Dr. Werner Helsen və UEFA konvensiyası koordinatoru Leonid Kaloshin tərəfindən nəzəri və praktiki seminarlar təqdim ediləcək.
