"Monako" "Şturm"un hücumçusu Mika Biyereti heyətinə cəlb edir. 

“İki sahil” xəbər verir ki, bu barədə insayder Fabrizio Romano məlumat yayıb.

Fransa klubu hücumçusu Folarin Baloqanın sıradan çıxdığına görə onu 21 yaşlı futbolçu ilə əvəzləmək istəyir. Hazırda klublar arasında danışıqlar aparılır. Biyeretin "Monako"ya artıq razılıq verdiyi bildirilir. 

Qeyd edək ki, Mika Biyeret bu mövsüm "Şturm"un heyətində 25 oyuna çıxaraq 14 qol vurub və 5 qolun ötürməsini edib.