Finlandiyada Rusiya və Belarus vətəndaşları üçün daşınmaz əmlak əməliyyatlarına qoyulan qadağa qüvvəyə minib.

“İki sahil” xəbər verir ki, bu barədə Finlandiyanın müdafiə naziri Antti Hakkänen X sosial şəbəkə hesabında yazıb. 

O, bunu çox uzun müddətə təxirə salınmış mühüm islahat adlandırıb.

Nazirin sözlərinə görə, məhdudiyyətlərə ehtiyac Rusiya-Ukrayna münaqişəsindən əvvəl də yaranıb. Hakkänen aydınlaşdırıb ki, o, bu qadağanı təxminən iki il əvvəl hazırlamağa başlayıb: “Mən çox şadam ki, nəhayət ki, bu qanun qəbul olundu... Bu, Finlandiyanın təhlükəsizliyini gücləndirməyə və hər cür təzyiqə hazır olmağa yönəlib.”