Fransanın "TotalEnergies" neft-qaz şirkətinin ikinci rübdə xalis mənfəəti illik müqayisədə 23% azalaraq 3,66 milyard dollar təşkil edib.

“İki sahil” xəbər verir ki,  bu barədə şirkətin maliyyə hesabatında deyilir. NYSE-də birjadankənar ticarətdə şirkətin səhmləri 3,2% ucuzlaşıb.

“TotalEnergies”in ilin birinci yarısında gəliri 105 milyard dollar təşkil edib ki, bu da ötən ilin eyni dövrü ilə müqayisədə 8% azdır. Şirkətin xalis borcu 2024-cü illə müqayisədə 89% artaraq 25,9 milyard dollara çatıb.

"TotalEnergies"in mənfəətinin azalması əsasən neft qiymətlərinin aşağı düşməsi ilə bağlıdır. Belə ki, OPEC+ hasilat məhdudiyyətlərinin yumşaldılması səbəbindən Brent rübün sonuna keçən illə müqayisədə demək olar ki, 20% ucuzlaşıb.