“Terrorsuz Türkiyə” parlament komissiyası avqustun əvvəlində fəaliyyətə başlayacaq.

“İki sahil” yerli mətbuata istinadla xəbər verir ki, bunu Türkiyə Böyük Millət Məclisinin (TBMM) sədri Numan Kurtulmuş deyib.

Onun sözlərinə görə, komissiyanın tərkibinə əsasən müxtəlif siyasi qüvvələrin parlamentdəki fraksiyalarından 51 deputat daxil olacaq. TBMM-də qrupu olmayan partiyalar müzakirələrdə bir deputatla təmsil olunacaq.

Komissiyanın yekun tərkibi iyulun 31-dək müəyyən ediləcək.

Komissiya həftədə azı 4 dəfə yığışacaq.