Rumıniya baş nazirinin müavini Draqos Anastasiu korrupsiya işində adı hallandıqdan sonra keçirdiyi mətbuat konfransında istefa verdiyini açıqlayıb.

“İki sahil” xəbər verir ki, bu barədə "Agerpres" məlumat yayıb.

"Mən Rumıniya hökumətinin imicini ləkələmək istəmirəm", - deyə o bildirib.

Məlumata görə, Anastasiunun sahibi olduğu şirkət səkkiz il ərzində vergi müfəttişinə külli miqdarda rüşvət verib, daha sonra o, korrupsiyada təqsirli bilinib.

Mətbuat konfransında Anastasiu bildirib ki, "rüşvətin iki növü var - varlanmaq və sağ qalmaq üçün verilən rüşvət". Onun sözlərinə görə, dövlət nəzarəti orqanları sahibkarları "yaşamaq üçün rüşvət verməyə məcbur ediblər".