Koreya Respublikası Silahlı Qüvvələri avqustun 4-dən etibarən sərhəddə KXDR-ə qarşı təbliğat aparmaq üçün nəzərdə tutulan səsgücləndiriciləri yığışdırmağa başlayacaq.

“İki sahil” xəbər verir ki, bu barədə "Yonhap" xəbər agentliyi məlumat yayıb.

Seul bu qərarın gərginliyi azaltmaq üçün tədbir kimi qəbul edildiyini bildirib.

İyunun 11-də Koreya Respublikasının yeni prezidenti Li Çje Myo sərhəddə bu avadanlıqdan yayımların dayandırılmasını əmr edib. İyulun 21-də Koreya Respublikasının Milli Kəşfiyyat Xidməti (MİX) ilk dəfə KXDR-də yayımlanan bir sıra radiostansiyaların fəaliyyətini dayandırıb.

Qeyd edək ki, iyunun əvvəlində vəzifəyə başlayan Li Çje Myo, sələfindən fərqli olaraq, Pxenyanla dialoqun tərəfdarıdır.