“Colruyt” supermarketlər şəbəkəsi, listeria bakteriyasına yoluxma şübhəsi ilə əlaqədar “Everyday” markasından olan kamamber pendiri partiyasını geri çağırıb.

“İki sahil” xəbər verir ki, “Carrefour” şəbəkəsi də analoji tədbirlər görərək bir neçə növ qablaşdırılmış balıqları da satışdan çıxarıb.

Listerioz ürəkbulanma, qusma, ishal və yüksək atəşə səbəb ola bilər. Fransada onlarla pendir növündə bakteriya aşkar edildikdən sonra onlar artıq geri çağırılıb. Bu məhsulların bir hissəsi Belçika bazarında qalmaqdadır.

Federal Qida Zəncirinin Təhlükəsizliyi Agentliyi (FAVV) müxtəlif pərakəndə satış şəbəkələri vasitəsilə yayılan “Fleur de pré” brendinin “Buchette de Chèvre” keçi pendirinin satışına qadağa qoyub.

Listeriya həmçinin “Carrefour” balıq məhsullarında da aşkar edilmişdir.

Alıcılara sadalanan məhsulları istehlak etməmələri və mağazalara qaytarmaları tövsiyə olunur.