İsveçrənin "LEM Surgical" şirkəti onurğa və ortopedik əməliyyatlar üçün hazırlanmış "Dynamis" adlı humanoid cərrahi robotunu CES 2026 sərgisində təqdim edib.

“İki sahil” xəbər verir ki, sistem insan əlinin ikitərəfli hərəkətlərini dəqiq təqlid edir, cərrahlara alətləri submillimetr dəqiqliyi ilə yerləşdirməyə imkan verir və mikrohərəkətləri kompensasiya etmək üçün süni intellektdən istifadə edir.

"Dynamis"in mərkəzində üç robot qol fəaliyyət göstərir: ikisi cərrahi rəhbərlik üçün, biri isə naviqasiya kamerasını idarə edir.

FDA təsdiqi almış robot hazırda Las Vegasdakı xəstəxanada aktiv şəkildə istifadə olunur. "LEM Surgical"in baş direktoru Yossi Bar vurğulayır ki, sistem yalnız fiziki süni intellekt deyil, həm də insan-robot əməkdaşlığı ilə klinik dəqiqliyi artıracaq gələcəyin təməlini qoyur.