Zülal, dəmir və kalsium cəhətdən zəngin olan badamın faydalarını saymaqla bitməz. “İki sahil” haberturk.com saytına istinadən insan orqanizmi üçün bir çox faydası olan badam haqqında maraqlı faktlar təqdim edir.

- Hamilələrin südünü artırır və körpələrin inkişafına kömək olur. Badam bədən və zehinin yorğunluğunu aradan qaldırarkən, böyrək, sidik kisəsi  yollarındakı iltihabları da yox edir.

- Tərkibində olan yağlar çəki atmağı asanlaşdırır. İnsanı tox tutur, bu səbəblə 10-15 ədəd badam qəbul  edilə bilər. Çiy, duzsuz və qovrulmamış olan badam daha faydalı hesab olunur.

- Öd daşlarının meydana gəlməsinə mane olur.

- Badam xolesterolun səviyyəsini nizamlamaqla xəstəliklərə tutulma ehtimalını olduqca azaldır.

- Yaşlanmaqla birlikdə artan sümük ağrılarının qarşısının alınmasında və dişlərin dayanıqlılığını artırmada badam mütləq gündəlik olaraq qəbul edilməlidir.

- E vitamini, maqnezium və fol turşusu baxımından zəngin olan badam antioksidant ehtiva etdiyindən ürəyi əhəmiyyətli dərəcədə qoruyur, arteriyalarda ləkə meydana gəlməsinə mane olur.

- Qələvi baxımından zəngin olan badam immunitetin güclənməsini təmin edir. Bədəndəki zərərli maddələrin ixracına yardımçı olur.

- Bir çox nəmləndirmə və təmizləmə məhsullarında istifadə edilən badam gündəlik qəbul edildiyində dəri sağlamlığını qoruyur.

- Norma daxilində qəbul olunan badam qan təzyiqini normallaşdırır.

- Diyet lifi baxımından zəngin olan badam kolon xərçənginin meydana gəlməsinin də qarşısını alır.

- Yeməkdən sonra qəbul edilən badam insulin və qlükozanın artmasının qarşısını alır.

- Lif baxımından zəngin olan badam qəbizliyin aradan qaldırılmasında da təsirli bir qidadır. Gündə 5 dənə badam, qəbizliyin aradan qaldırılması üçün kifayətdir.

Mənsumə Babayeva, “İki sahil”