PSJ-nin üç əsas oyunçusu zədələnib.

“İki sahil” xəbər verir ki, məlumatı klubun mətbuat xidməti yayıb. 

Müdafiəçilər Nunu Mendeş və Villian Paço, o cümlədən Uorren Zaire-Emeri zədələniblər. Onlar Liqa 1-in 33-cü turu çərçivəsində bu gün "Brest"lə ev oyununda iştirak etməyəcəklər. Onların Çempionlar Liqasının yarımfinalında "Bayern"lə oyunda xəsarət aldığı bildirilib. Mendeşlə Paçoya sağ ayaqlarında omba problemləri diaqnozu qoyulub. Mərkəz yarımmüdafiəçisi Uorren isə bel ağrısından şikayətlənir. 

Luis Enrikenin komandası hazırda Liqa 1-in turnir cədvəlində "Lans"dan üç xal öndədir və liderdir.