ABŞ ilə müttəfiqlərinin Yaxın Şərqə hərbi müdaxiləsi davam etdikcə regionda sülh və sabitlik bərqərar olmayacaq.

“İki sahil” xəbər verir ki, bunu İran Xarici İşlər Nazirliyinin (XİN) sözçüsü İsmayıl Bəqai "X" sosial şəbəkə hesabında yazıb.

İranın XİN sözçüsü bunu ABŞ dövlət katibi Marko Rubionun sözlərinə cavab olaraq bildirib.

Xatırladaq ki, Rubio regiondakı sülh və sabitliyin həssaslığını İran ilə Tehrana bağlı proksi qüvvələrin fəaliyyəti ilə əlaqələndirib:

"İranın proksi qüvvələri İraqdan raketlər və dronlar buraxdığı, HƏMAS-ın, eləcə də "Hizbullah"ın etdiyi terrorçuluqda iştirak etdiyi müddətcə regionda düşmənçiliyin və münaqişələrin sona çatmasına nail ola bilməzsiniz".

No one will be fooled; we can't have a peaceful region so long as American militarism and interventionism persist, and their occupying proxy continues, with absolute impunity, to inflict endless wars across the region and perpetrate genocide, terror violence and every atrocities. pic.twitter.com/JtkzynX8p9

— Esmaeil Baqaei (@IRIMFA_SPOX) June 24, 2026