Azərbaycan nefti 57 dollar/barreldən baha satılır

Dünya birjalarında neftin qiymətinin bahalaşması davam edib.

Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,16 dollar bahalaşaraq 54,06 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,13 dollar artaraq 56,22 dollar olub.

AZƏRTAC xəbər verir ki, “AzəriLayt” markalı neftin bir barrelinin qiyməti isə 1,69 dollar bahalaşaraq 57,11 dollar təşkil edib.