Nepal xilasediciləri ötən ilin noyabrında qar uçqunundan sonra beş alpinistin itkin düşdüyü Yalunq-Ri dağı ərazisində beş meyit aşkarlayıblar. Tapılan meyitlərin itkin düşmüş idmançılara aid olub-olmadığı hələlik müəyyən edilməyib.

“İki sahil” "Reuters"ə istinadən xəbər verir ki, itkin düşənlər arasında üç əcnəbi - italiyan kanadalı, İtaliya vətəndaşı və Almaniya vətəndaşı var.

Qaurişankar bələdiyyəsinin nümayəndəsi Txabindra Kumar Kafle bildirib ki, meyitləri avqustun 8-i turizm şirkəti tərəfindən axtarış işləri aparmaq üçün göndərilmiş əməkdaşlar görüblər.

Yalunq-Ri dağı Nepalın şimal-şərqindəki Rolvalinq vadisində yerləşir. Bu ərazidə alpinist marşrutları qayalıq, buzlu və qarlı səthlərin birləşdiyi sahələrdən keçir.