Tailand Cənub-Şərqi Asiya milli komandaları arasında keçirilən (ASEAN) çempionatın yarımfinalına yüksəlib.

“İki sahil” xəbər verir ki, komanda qrup mərhələsinin son oyununda Myanmanı 2:0 hesabı ilə məğlub edib. Bu nəticə ilə Tailand B qrupunda 12 xalla birinci yeri tutub. Komandanın yarımfinaldakı rəqibi Sinqapur olacaq.

İlk oyun avqustun 15-də Sinqapurda, cavab qarşılaşması isə avqustun 18-də Banqkokda keçiriləcək.

Qrupda ikinci yeri Malayziya tutub. Komanda Filippin üzərində 1:0 hesablı qələbə qazanıb. Beləliklə, Malayziya yarımfinalda turnirin son qalibi Vyetnamla qarşılaşacaq.

İlk qarşılaşma avqustun 16-da Kuala-Lumpurda, cavab görüşü isə avqustun 19-da Hanoyda keçiriləcək.

Qeyd edək iki, finalın ilk oyunu avqustun 22-də, cavab qarşılaşması isə avqustun 26-da baş tutacaq.