İsrail Müdafiə Qüvvələrinin (İMQ) əsas nailiyyəti bu gün bütün əsas cəbhələrdə danışıqların aparılması faktıdır.

“İki sahil” xəbər verir ki, bu barədə ordunun mətbuat xidməti İMQ-nin Baş Qərargah rəisi Eyal Zamirin ABŞ Silahlı Qüvvələrinin Mərkəzi Komandanlığının (CENTCOM) rəhbəri admiral Bred Kuperin iştirakı ilə keçirilən müşavirə zamanı verdiyi bəyanatına istinadən məlumat yayıb.

"İMQ döyüş qabiliyyətli ordudur və biz bir neçə cəbhədə genişmiqyaslı, uzunmüddətli əməliyyatda iştirak edirik. Hazırda bütün əsas cəbhələrdə diplomatik danışıqlar aparılır və bu, İsrail ordusunun tarixi nailiyyətlərinin nəticəsidir. Biz müdafiəyə yaxşı hazırlıq və eyni zamanda, intensiv döyüş əməliyyatlarına dərhal qayıtmaq üçün hazırlığımızı və qabiliyyətimizi qoruyub saxlayırıq", - Zamir bildirib.

Öz növbəsində, Kuper İMQ ilə ABŞ Silahlı Qüvvələri arasında əməliyyatlar zamanı öz effektivliyini dəfələrlə sübut etmiş dərin strateji tərəfdaşlıq barədə danışıb.