Rusiya ötən ilin dekabrında gündəlik neft istehsalını orta hesabla 3,74 faiz artıraraq 11,21 milyon barrelə çatdırıb.

AZƏRTAC “ria.ru”ya istinadla xəbər verir ki, bu, ölkənin neft hasilatının 1991-ci ildən bu vaxtadək ikinci dəfə 11 milyon barreli keçdiyi deməkdir.

Rusiyada gündəlik neft hasilatı 2016-cı ilin sentyabrında ilk dəfə 11 milyon barreldən çox olmuşdu.

Bundan başqa, ötən il ərzində Rusiyanın qaz hasilatı 0,7 faiz artaraq 640 milyard kubmetrə bərabər olub.