Ətraf Mühitin Mühafizəsi Agentliyinin verdiyi xəbərə görə, Sinqapurun şərqindəki  Pulau Ubin adasında yerləşən Changi və Noordin çimərliyində neft sızmasının qarşısını almaq məqsədi ilə  əməliyyatlara başlanılıb. 

“İki sahil” “straitstimes.com” saytına istinadən xəbər verir ki, bu məqsədlə 200 nəfər işçi sözügedən əraziyə cəlb olunub.  Sızma  cümə günü Johor adasında  başlayaraq, hər iki çimərlik boyu yayılıb. Əhalinin verdiyi məlumata görə, Changi  çimərliyinin müəyyən hissəsində təmizləmə işləri həyata keçirilsə də, əməliyyatlar hələ tamamlanmayıb. Ətraf Mühitin Mühafizəsi Agentliyi Changi, Punggol və Pasir Ris çimərliyində apardığı sualtı monitorinqdən sonra hər şeyin qaydasında olduğunu və əldə olunan nəticələrə görə  çirklənmənin  sualtına heç bir mənfi təsir göstərmədiyini bildirib.

Qeyd edək ki, sızma  neftdaşıyan gəmidə baş verən problemlə əlaqələndirilir və sızma nəticəsində nə az, nə çox  300 ton neft ətrafa yayılaraq itkiyə çevrilib.