ABŞ-ın bir neçə ştatında prezident Donald Tramın miqrasiya siyasətinə qarşı etiraz aksiyası keçirilib.

"Miqrantsız gün"ün təşkilatçıları  ABŞ-da yaşayan, ancaq Amerika vətəndaşı olmayan sakinlərdən ölkənin iqtisadiyyatı və digər sahələri üçün nə qədər vacib olduqlarını göstərməyə  çağırıblar. Bunun üçün miqrantlar bir gün  evdən çıxmamalı, mağazalara, kafelərə getməməli, hətta uşaqları məktəbə buraxmamalıdır.

Bunun nəticəsində Vaşinqton, Filadelfiya, Çikaqo, Öoston, Xyuston və Nyu-Yorkda yüzlərlə  restoranlar və digər müəssisələr ağlı qalıb. Bundan əlavə təzə ət, çörək, meyvə və tərəvəz tapmaq çətinləşib.

Aksiya ABŞ-ın Müdafiə Nazirliyinə də təsir göstərib: Belə ki, pentaqonun özündə  bəzi kafelər, o cümlədən Sturbucks, Taco Bell və Burger King bağlı qalıb.
 
Massaçusetsdə Uels kollecinin adminsitrasiyası  yerli muzxeydən  miqrantların  hazırladığı bütün əl işlərini yığışdarmağa söz verib, Çikaqoda isə aksiyaya  Pete-s Fresh Market-in 12 ərzaq dükanından 5-i bağlı qalıb. Mağaza sahibi işçilərə işə çıxmamağa izn verib.
 
Bundan başqa  El Milagro  restoranlar şəbəkəsinin bir qismi bağlanıb.

Bununla birgə, imiqrantlarla həmrəy olduqlarını bildirmək üçün amerikalılar küçələrə iökülərək Tramp Administrasiyasının qərarından narazılıqlarını bildiriblər.