Azərbaycanda daşınmaz əmlak sahəsinə xarici investisiyaların cəlb olunması üçün böyük iş aparılır.

Trend-in məlumatına görə, bunu Əmlak Məsələləri üzrə Dövlət Komitəsinin sədri Kərəm Həsənov “Daşınmaz əmlak, özəlləşdirmə və investisiyalar” mövzusunda beynəlxalq konfransda çıxışı zamanı deyib.

Onun sözlərinə görə, xarici investorlar üçün daşınmaz əmlak bazarında yerli investorlarla eyni səviyyədə işləməyə imkan verəcək şərtlər yaradılır.

K.Həsənov vurğulayıb ki, aparılan islahatlar Azərbaycana “Doing Business” və Qlobal rəqabətqabiliyyətlilik reytinqi kimi hesabatlarda mövqelərini yaxşılaşdırmağa imkan verəcək.