02 dekabr 2019 17:28
162

YAP Ağcabədi rayon təşkilatı təbliğat və təşviqat proseslərində fəal iştirak edir - FOTO

23 dekabr 2019-cu il tarixdə keçiriləcək bələdiyyə seçkiləri ilə əlaqədar Yeni Azərbaycan Partiyası (YAP) Ağcabədi rayon təşkilatı təbliğat-təşviqat kompaniyası  çərçivəsində partiya tərəfindən  bələdiyyə üzvlüyünə irəli sürülmüş namizədlərin şəkilləri və digər təşviqat materialları təşviqat lövhələrinə və müəyyən olunmuş yerlərdə vurulmasına başlanıb.

YAP Ağcabədi rayon təşkilatı Gənclər Birliyinin üzvləri bu kompaniyada xüsusi fəallıq göstərirlər. Ağcabədi rayonunda  41 bələdiyyə üzrə  361 nəfər  yerə  YAP Ağcabədi rayon təşkilatı tərəfindən 361 nəfər namizəd irəli sürülüb, onlardan 358-i qeydə alınıb.

YAP Ağcabədi rayon təşkilatı partiyadan olan namizədlərin seçilməsi üçün  mövcud qanunvericilik çərçivəsində bütün təbliğat və təşviqat proseslərində fəal iştirak edərək seçkilərdə qalib gəlmək üçün bütün qüvvələrini səfərbər ediblər.

Orxan Vahidoğlu, “İki sahil”