Bakı şəhərində işləyirəm. Eşitdim ki, Lənkəranda Çay, çəltik və sitrus festivalı keçirilir. Hindistan çayın vətəni olduğu üçün bu festivalda iştirak etməyi qərara aldım.
Bu sözləri Hindistan vətəndaşı Partha Sarati AZƏRTAC-ın bölgə müxbirinə müsahibəsində bildirib.
Göyçayda keçirilən Nar festivalında iştirak etdiyini, Lənkərana birinci dəfə gəldiyini vurğulayan hindistanlı turist daha sonra deyib: “Festivalda nümayiş olunan kənd təsərrüfatı məhsulları, xalq tətbiqi sənəti nümunələri, rayonun bədii özfəaliyyət kollektivlərinin çıxışları, xüsusilə, milli rəqsləriniz çox xoşuma gəldi. Dostlarımla yenidən Lənkərana gəlməyi düşünürəm”.