Gələn il Rusiyanın Sverdlovsk vilayətinin Beynəlxalq və Xarici İqtisadi Əlaqələr Nazirliyi Azərbaycana bir sıra biznes missiyalar göndərməyi planlaşdırır.

Trend-in məlumatına görə, bunu qurumun rəhbəri Vasili Kozlov deyib.

Onun sözlərinə görə, söhbət ayrı-ayrı sahələr üzrə biznes missiyalardan gedir:

“Missiyaların tərkibində kimya sənayesi, informasiya texnologiyaları və digər sahələrin nümayəndələri olacaq. Eyni zamanda, Sverdlovsk vilayəti müxtəlif istehsal sahələri üzrə yüksək texnoloji əməliyyatlar üçün Azərbaycandan mütəxəssisləri cəlb etməyə hazırdır”.