Xalq artisti Röya Ayxan “W-Trio”nun keçmiş solisti Elnarə Xəlilovaya dəstək olub.

Məşhur müğənni həmkarının “ATV maqazin onlarla” proqramında tələbə yetişdirmək təklifinə müsbət rəy verib. R. Ayxan mətbuata açıqlamasında özünü pedaqoq kimi sınayacağını qeyd edib:

“Çox gözəl fikirdir və mən Elnarənin yanındayam. Hazırda solo konsertimə hazırlaşıram və buradan ona müraciət edirəm ki, məktəbində mənə bir otaq ayırsın. Mən orada dərs deyəcəyəm. Dahi deyiləm, estrada üçün nələrsə edə biləcəmsə, nə yaxşı! Doğrudan da edərəm. Bəlkə də tələbələr arasından elə biri çıxacaq ki, çoxdandır arzum olan prodüserlik fəaliyyətinə başlayım? Bəlkə də konsert ərəfəsində məktəbə qonaq getdim. Bilmək olmaz”.

Qeyd edək ki, E. Xəlilova musiqi məktəbi açaraq “W-Trio”nun keçmiş solistlərini oraya dəvət etmişdi.

Publika.az