23 fevral 2021 12:09
578

Hərbçilərin maaşları ilə bağlı qanun layihəsi hazırlanır

“Azərbaycan öz torpaqlarını işğaldan azad etdikdən sonra hərbçilərə verilən maaşlarla bağlı radikal dəyişiklik edilib”.

"İki sahil" xəbər verir ki, bunu Milli Məclisin bu gün keçirilən iclasında deputat Azay Quliyev deyib.

Deputat bildirib ki, Müdafiə Nazirliyi və Maliyyə Nazirliyindən bununla bağlı açıqlama verilib: “Ancaq nəzərə almalıyıq ki, hərbçilərimiz Qarabağda yenə də çox ağır şəraitdə Vətənə qulluq edirlər. Yaxşı olar ki, qanunvericilikdə də bununla bağlı dəyişiklik edək. Çünki orada ikiqat ödənişlərin verilmə qaydası ilə bağlı qanunvericiliyə dəyişiklik etmək zərurəti yaranır. Yaxşı olar ki, Milli Məclis buna münasibət bildirsin”.

Spiker Sahibə Qafarova bildirib ki, hazırda Qarabağ döyüş bölgəsi deyil.

Deputat Ziyafət Əsgərov isə bildirib ki, bununla bağlı, yəni hərbçilərin maaşları ilə bağlı konkret qanun layihəsi hazırlanır, müvafiq qurumlarla müzakirələr aparılır: “Qanun layihəsi hazırlandıqdan sonra təqdim edəcəyik”.