Siqaretdən imtina etməlisiniz
Siqareti əməliyyatdan 2 həftə əvvəl tərgitməkdə fayda var. Hətta ondan 3-4 həftə istifadə etməməniz daha məsləhətlidir, çünki siqaret yaranın sağalma müddətinə mənfi təsir göstərə bilər.
Suyun dəyməməsinə diqqət edin
Burun əməliyyatından sonra 1 həftə duş qəbul etmək olmaz.
İdmanla məşğul olmaq olmaz
Ağır idman növlərinə 1 ay ara vermək lazımdır. 1 ay ərzində dənizə, hovuza, saunaya getmək heç məslət deyil. Həmçinin 1 ay boyunca ağır əşlayalar qaldırmayın.
Günəşdən qorunmaq lazımdır
Ən azı 6 ay günəş qəbul edərkən və çölə çıxarkən yüksək qoruma faktoru olan günəşdən qoruyucu krem istifadə etməlisiniz.
1-6 ay arası eynəkdən də istifadə etmək olmaz. Əgər eynək mütləqdirsə yüngül eynəklərdən istifadə edin.
İctimai nəqliyyatdan istifadə məsləhət deyil
Əməliyyatdan sonra avtobus, metro kimi ictimai nəqliyyatdan istifadə etməyin,çünki burada kimsə bilmədən burnunuzu zədələyə bilər.
Depressiyaya düşmək olmaz
Burun əməliyyatından dərhal sonra yeni burnunuzun istədiyiniz kimi olacağını düşünməyin. Çünki ilk 1 həftə burun içində tampon, üzərində isə gips olur. İlk 3 gün yüngül ağrı, ilk həftə isə çoxlu şişkinlik və göyərmələr ola bilər. Burundakı bütün şişlərin çəkilib normal olması 6 aya qədər uzana bilər.
Samirə Tağıyeva, "İki sahil"