“İki sahil” xəbər verir ki, Counterpoint Research analitik şirkətinin hesabatına əsasən Xiaomi iyun ayı üzrə dünyanın ən böyük smartfon istehsalçısı statusunu qazanıb. Belə ki, iyun ayında satılmış bütün smartfonların 17.1%-i Xiaomi-nin öhdəsinə düşür. Bununla belə Samsung-un bu məsələdə göstəricisi 15.7%, Apple şirkətinin göstəricisi isə 14.3% təşkil edir. Analitiklər qeyd ediblər ki, iyun ayında Xiaomi-nin satışları 26% yüksəlmişdi. Bu isə onu bir ay ərzində yüksək sürətlə böyüyən brendə çevirmişdi. Lakin buna baxmayaraq bu liderlik stabil deyil. Belə ki, Samsung şirkəti Vyetnamdakı istehsalat proseslərini bərpa etməyə başlayıb.