"Neftçi" "Zirə"yə qarşı keçirəcəyi futbol üzrə Azərbaycan Premyer Liqasının VIII tur matçının hazırlığını başa vurub.

“İki sahil” xəbər verir ki, birgünlük fasilədən sonra oktyabrın 20-də hazırlığı bərpa edən "ağ-qaralar" "Türk Hava Yolları Futbol Mərkəzi”ndə son məşqə çıxıb.

"Qəbələ" ilə yoxlama görüşündə (1:1) zədələnən Xorxe Korreadan başqa bütün futbolçuların iştirak etdiyi hazırlıq prosesində əsasən toplu və taktiki çalışmalar yerinə yetirilib.

Qeyd edək ki, oktyabrın 23-də "Bakcell Arena"da oynanılacaq "Neftçi" - "Zirə" qarşılaşması saat 18:15-də başlayacaq.