23 oktyabr 2021 00:34
680

Bill Qeytsin istirahəti neçəyə başa gəlib?

Oktyabrın 22-i səhər saatlarında “Microsoft”un qurucusu kimi tanınan multimilyarder Bill Qeyts Türkiyənin Quşadası körfəzi sahillərindəki yaxtada görünüb.

“İki sahil” xəbər verir ki, Kayman adaları bayrağı altında üzən “Lana” adlı gəminin həftəlik kirayə haqqının 1.8 milyon avro olduğu bildirilib.

Super yaxtanın uzunluğu 107, eni isə 16 metrdir.

Yaxtanı Geytsin mühafizəsinin yerləşdiyi “Wayfinder” katamaranı müşayət edib.

Günorta saatlarında dünyanın ən varlı insanlarından olan iş adamı xüsusi helikopterlə İzmirə yollanıb və Müqəddəs Məryəm kilsəsi ilə antik Efes şəhərini ziyarət edib.