24 avqust 2022 19:01
562

Azərbaycanın ərazi bütövlüyünün Qazaxıstan tərəfindən daim dəstəklənməsinə görə təşəkkürümü bildirdim

"Bu gün Qazaxıstan Prezidenti ilə görüşümüz zamanı mən onu Azərbaycan ilə Ermənistan arasında münasibətlərin normallaşdırılması prosesinin indiki vəziyyəti barədə ətraflı məlumatlandırdım və Azərbaycanın Cənubi Qafqaz regionunda uzunmüddətli və möhkəm sülh yaratmaq niyyətini təsdiq etdim".

“İki sahil” xəbər verir ki,   bunu Azərbaycan Prezidenti İlham Əliyev avqustun 24-də Qazaxıstan Respublikasının Prezidenti Kasım-Jomart Tokayevlə birgə mətbuata bəyanatında deyib.

“Mən, eyni zamanda, Azərbaycanın ərazi bütövlüyünün həm işğal dövründə, həm də İkinci Qarabağ müharibəsindən sonra Qazaxıstan tərəfindən beynəlxalq qurumlar çərçivəsində daim dəstəklənməsinə görə təşəkkürümü bildirdim. Biz Azərbaycanda bunu yaxşı bilirik və çox yüksək qiymətləndiririk”, deyə Azərbaycan Prezidenti bildirib.