“3+3” formatında regional əməkdaşlıq platformasının ikinci iclası (Azərbaycan, Ermənistan, Gürcüstan - Rusiya, Türkiyə, İran) yaxın aylarda baş tuta bilər.

“İki sahil” xəbər verir ki, bunu TASS-a müsahibəsində Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar deyib.

"Hazırda 3+3 formatında ikinci görüşün keçirilməsi ilə bağlı təşkilati məsələlər üzərində iş aparılır. Ümid edirik ki, bu, yaxın aylarda baş tutacaq. Bütün iştirakçıların mövqeyinə əsasən, Gürcüstana dəvət göndərilə bilər", - deyə diplomat qeyd edib.