MDB İcraiyyə Komitəsinin sədri - icraçı katib Sergey Lebedev Azərbaycan Respublikasının Prezidenti İlham Əliyevə təbrik məktubu ünvanlayıb.

“İki sahil” xəbər verir ki, təbrikdə deyilir:

“Doğum gününüz münasibətilə səmimi təbriklərimi qəbul edin.

Ali dövləti vəzifənizdə müstəqil və gündən-günə firavanlaşan Azərbaycan naminə səmərəli fəaliyyətiniz ən dərin hörmətə layiqdir.

Sizin rəhbərliyinizlə həyata keçirilən strateji kurs ölkənizin regionda və beynəlxalq arenada nüfuzunun və rolunun daim artmasına yönəlib.

İqtisadi potensialın möhkəmləndirilməsi, əhalinin həyat səviyyəsinin yaxşılaşdırılması həmişə Sizin işinizin əsas prioritetləri olub və prioritetləri olaraq qalmaqdadır.

Fürsətdən istifadə edib Müstəqil Dövlətlər Birliyi məkanında qarşılıqlı tərəfdaşlıq fəaliyyətinin genişləndirilməsi məsələlərində ardıcıl və konstruktiv mövqeyinizə, MDB İcraiyyə Komitəsinin fəaliyyətini daim dəstəklədiyinizə görə Sizə səmimi minnətdarlığımı bildirirəm.

Möhtərəm İlham Heydər oğlu, Sizə möhkəm cansağlığı, firavanlıq və çoxşaxəli dövləti fəaliyyətinizdə uğurlar arzu edirəm”.