Post-münaqişə dövründə Ermənistan sülh prosesinə maneçilik törədir.

“İki sahil” xəbər verir ki, bunu xarici işlər naziri Ceyhun Bayramov UNESCO-nun Əddis-Əbəbədəki Ofisinin rəhbəri Rita Bissoonauth və Qvineya Respublikası, Konqo, Kot-d’İvuar, Niger, Benin, Toqo, Burkina Faso, Ekvatorial Qvineya, Cibuti, Qabonun UNESCO üzrə Milli Komissiyalarının baş katibləri ilə görüşündə deyib.

Nazir Ermənistan tərəfindən hərbi-siyasi təxribatların törədilməsinə baxmayaraq, Azərbaycanın sülh gündəliyinin irəli aparılması istiqamətində qərarlı olduğunu diqqətə çatdırıb.