09 iyun 2023 20:38
413

Azərbaycanda daha 3 nəfər COVID-19-a yoluxub

Azərbaycan Respublikasında koronavirus (COVID-19) infeksiyasına 3 yeni yoluxma faktı qeydə alınıb, 4 nəfər müalicə olunaraq sağalıb.

“İki sahil” Nazirlər Kabineti yanında Operativ Qərargahdan verilən məlumata istinadən xəbər verir ki, COVID-19 üçün götürülən analiz nümunələri müsbət çıxmış şəxslərdən vəfat edən olmayıb.

Azərbaycanda indiyədək ümumilikdə 831 876 nəfərin koronavirus infeksiyasına yoluxması faktı müəyyən edilib. Onlardan 821 576 nəfər müalicə olunaraq sağalıb, 10 280 nəfər vəfat edib, aktiv xəstə sayı 20 nəfərdir.

Ölkədə son sutka ərzində 472, hazırkı dövrədək isə 7 630 048 test aparılıb.