Kolumbiyalı mütəxəssislər Azərbaycanda minatəmizləmə sahəsində fəaliyyət göstərir.

“İki sahil” xəbər verir ki, bunu Kolumbiyanın Azərbaycandakı yeni səfiri Luis Fernando Kuartas Ayala avqustun 18-də Azərbaycan Prezidenti İlham Əliyevə etimadnaməsini təqdim etdikdən sonra söhbət zamanı deyib.

Səfir Azərbaycan ilə Kolumbiya arasında siyasi əlaqələrin yaxşı səviyyədə olduğunu qeyd edib, iki ölkənin Xarici İşlər nazirlikləri arasında siyasi məsləhətləşmələr mexanizminin uğurla inkişaf etdiyini bildirib.

Luis Fernando Kuartas Ayala ölkələrimiz arasında turizm sahəsində əlaqələrin daha da genişləndirilməsi üçün böyük potensialın olduğunu vurğulayıb.