"Azərbaycan Dəmir Yolları" QSC-nin törəmə müəssisəsi "ADY Express" MMC "TransLogistica Uzbekistan 2023" nəqliyyat və logistika sərgisinə qatılacaq.

"İki sahil" bu barədə şirkətə istinadən xəbər verir.

Məlumata görə, sərgi noyabrın 1-3-də Özbəkistanın paytaxtı Daşkənddə - "UzExpoCentre" milli sərgi mərkəzində keçiriləcək.

"TransLogistica Uzbekistan", nəqliyyat və logistika sərgisi logistika sahəsində fəaliyyət göstərən qabaqcıl şirkətləri və ekspertləri birləşdirən mühüm tədbirlərdən biri sayılır. Sərgi çərçivəsində "ADY Express", yüklərin nəqli və logistika sahəsindəki öz xidmətlərini təqdim edəcək.