Bu ilin yanvar-sentyabr aylarında "Azeri Light" markalı Azərbaycan neftinin 1 barelinin xalis mədaxil qiyməti 78,6 ABŞ dolları təşkil edib.

“İki sahil” xəbər verir ki, bu barədə Hesablama Palatasının Azərbaycan Respublikası Dövlət Neft Fondunun (ARDNF) gələnilki büdcəsinə verdiyi rəydə bildirilir.

Sənədə əsasən, bu, ötən ilin eyni dövrü ilə müqayisədə 22 % azdır.

"Bu ilin 9 ayında ARDNF-in büdcə gəlirləri 14 878,3 milyon manat və yaxud təsdiq edilmiş proqnozun 91,1%-i, büdcə xərcləri isə 3 587 milyon manat və yaxud təsdiq edilmiş proqnozun 30,3 %-i qədər icra edilib", - deyə hesabatda qeyd olunub.