"Biz çalışırıq ki, işğaldan azad edilmiş ərazilərin bərpasına xarici investisiyaları da cəlb edək. Bir tərəfdən, asan deyil, digər tərəfdən, özümüz də bunda maraqlı deyilik".

“İki sahil” xəbər verir ki, bunu iqtisadiyyat nazirinin müavini Sahib Ələkbərov Heydər Əliyevin 100 illik yubileyinə həsr olunmuş “Güclü iqtisadiyyat üçün Azərbaycanda peşə təhsilinin inkişaf yolu: gələcəyə baxış” adlı konfransda deyib.

O bildirib ki, çünki kasıb ölkə deyilik və kiminsə gəlib orda nəsə tikib yaratmasını istəmirik: "İstəyirik ki, aparılan quruculuq işləri müasir dövrün tələblərinə cavab versin və səmərəli iqtisadiyyat qurulsun".