Sahibkarlar (İşəgötürənlər) Təşkilatları Milli Konfederasiyası (ASK) ilə Kənd Təsərrüfatı Nazirliyinin Aqrar İnnovasiya Mərkəzi arasında əməkdaşlıq memorandumu imzalanıb.

“İki sahil” xəbər verir ki, imzalanma mərasimi Kürdəmir rayonunda keçirilmiş Aqrar İnnovasiya Festivalında baş tutub.

Sənədin məqsədi kənd təsərrüfatı sahəsində sahibkarlığın və biznesin, qarşılıqlı faydalı və ikitərəfli əməkdaşlığın inkişaf etdirilməsi və intensivləşdirilməsidir. Memoranduma əsasən, aqrar sahədə qarşılıqlı birgə əməkdaşlığı dəstəkləmək və gücləndirmək, dövlət-özəl münasibətlərində koordinasiyanın, məlumat mübadiləsinin və maarifləndirmə tədbirlərinin həyata keçirilməsi ilə bağlı birgə əməkdaşlıq münasibətləri nəzərdə tutulub.