Ötən il Azərbaycanda 6,5 milyon tona yaxın neft emal edilib, bu da illik müqayisədə 4,84% çoxdur.

Bu barədə “İki sahil” Energetika Nazirliyinə istinadən xəbər verir.

Qeyd edək ki, ötən 2022-ci ildə Azərbaycanda 6,2 milyon ton neft emal edilib.

Xatırladaq ki, Azərbaycanda neft, təməli 1953-cü ildə qoyulmuş Heydər Əliyev adına Bakı Neft Emalı Zavodunda emal edilir. Zavod respublikanın neft məhsullarına olan tələbatını tam ödəyir. Hazırda NEZ-də yenidənqurma və modernləşdirmə işləri aparılır.