Bütün seçki prosesi çox şəffaf və demokratik şəkildə həyata keçirilib.

“İki sahil” xəbər verir ki, bunu Brazilya parlamentinin nümayəndəsi Nelson Trad Filxo deyib.

Onun sözlərinə görə, 7 seçki məntəqəsinə səfər ediblər:

"Brazilyalı senator və həmçinin həkiməm. Buraya seçkiləri müşahidə etməyə gəlmişik. Biz müşahidə zamanı seçicilərin çoxunun qadın olduğunu gördük və düşünürəm ki, bu, çox müsbət haldır".

Qeyd edək ki, fevralın 7-də Azərbaycanda növbədənkənar prezident seçkiləri keçirilib. Mərkəzi Seçki Komissiyasının (MSK) son açıqlamasına görə, məntəqələrdən bülletenlərin 93,3 faizinin nəticəsi təqdim edilib. Seçki bülletenlərinin sayı 4 659 967, səs vermiş seçicilərin sayı isə 4 660 025-dir.

Azərbaycanın hazırkı Prezidenti İlham Əliyev səslərin 92,05% faizini qazanmaqla növbədənkənar prezident seçkilərində liderlik edir.