21 fevral 2024 12:03
278

Xavi: "Barselona" üçün heç-heçə yaxşı nəticə deyil

"Barselona"nın baş məşqçisi Xavi Çempionlar Liqasının 1/8 final mərhələsində "Napoli" ilə ilk oyundan gözləntilərini bölüşüb.

"İki sahil" "Mundo Deportivo"ya istinadən xəbər verir ki, mütəxəssis 1/4 finala adlamaq üçün əllərindən gələni edəcəklərini deyib:

“Napoli” güclü rəqibdir. Yaxşı müdafiə olunmaq və əks-hücumlara imkan verməmək bizim üçün prinsipial olaraq vacibdir. Çətin oyun olacaq.

Bundan sonra nə olacağını düşünmürük. Əsas məqsədimiz 1/4 finala çıxmaqdır. Komandada daha çox birlik var, reaksiya çox yaxşıdır. O cümlədən prezident Joan Laportadan və Dekudan, paltardəyişmə otağındakı mühitdən razıyam.

Biz həmişəki kimi meydana qələbə üçün çıxacağıq. Çünki biz “Barselona”yıq. “Barselona” üçün heç-heçə yaxşı nəticə deyil”.

Qeyd edək ki, bu gün keçiriləcək "Napoli" - "Barselona" oyunu Bakı vaxtı ilə saat 00:00-da başlayacaq.  Bu komandalar arasında cavab görüşü martın 12-də keçiriləcək.