ABŞ-ın Stenford Universitetinin alimləri uşaq böyüdükcə çəkdiyi rəsmlərin necə dəyişdiyini araşdırıblar.

“İki sahil” xəbər verir ki, araşdırma haqqında məlumat “Nature Communications” jurnalında dərc olunub.

Alimlər San Xosedə yeni açılan Uşaq Muzeyində müxtəlif videolar yayımlayaraq uşaqlara rəsmlər çəkməyi tapşırıblar. Təcrübədə 2-10 yaş arası uşaqlar iştirak edib və onlara rəsm çəkmək üçün 30 saniyə vaxt verilib.

Böyük yaşlı uşaqlardan təkcə gördüyü obyektləri çəkmək deyil, eyni zamanda, obyektin hansı hissəsini çəkdiyini şərh etmək istənib. Rəsm çəkmə prosesi yekunlaşdıdaqn sonra onlar analiz edilib. Bununla da uşaqların təsvir etdikləri obyekt haqqında hansı məlumatlara malik olduğu, onu necə başa düşdüyü öyrənilib. Böyük yaşlı uşaqlar gözlənildiyi kimi, rəsm və detallar haqqında daha yaxşı nəticə göstəriblər. Kiçik yaşlı uşaqlar isə tapğırığı lazımi səviyyədə yerinə yetirə bilməyərək, yaxşı şəkil şəkə bilməsələr də digər iştirakçıların əsərlərində nə təqdim olunduğunu daha dəqiq müəyyən edə biliblər.

Hətta primitiv rəsmlərdə belə uşaqların çəkdikləri predmetlərlə bağlı təsəvvürlərini nüəyyən etməyə imkan verən detallar yer alıb. 

Məsələn, şəkildəki pələngi tanımaq çətindirsə, onda heyvan təxmin edilirdi. Eyni zamanda, bəzi subyektlər slot maşınının ekranında çoxaltdıqları obyektlərin real ölçüləri haqqında məlumat veriblər. Tədqiqatın nəticələri göstərir ki, uşaqlarda rəsm bacarıqları və şəkildən obyekti tanımaq bacarığı paralel olaraq inkişaf edir. Yaş artdıqca şəkillərdəki dəqiqlik də artır. Bu, uşaqların böyüdükcə ətrafımızdakı dünya haqqında düşüncə və qavrayışlarının  dəyişməsi ilə bağlıdır.

Zamin Məmmədov, "İki sahil"