Sağlam qidalanma ilə bağlı mühüm məlumatlar verən Prof. Dr. Osman Müftüoğlu bu dəfə düyü, bulğur və zeytun haqqında danışıb. Bəs hansının istehlakı sağlamlığa daha faydalıdır? Düyü yoxsa bulğur? Yaşıl zeytun və qara zeytun arasında hansı fərqlər var? Mütəxəssiz açıqlayıb.

“İki sahil” “CNN-Türk”ə istinadla xəbər verir ki, Prof. Dr. Osman Müftüoğlu bildirib ki, sağlam olmaq istəyirsinizsə bulğurdan istifadəni artılmalısınız: “Bulğur dünya mətbəxinin ən dəyərli məhsulu olmaq yolunda sürətlə irəliləyir və illərdir məşhur "Mayo Clinic qidalanma siyahısı"nın "ən dəyərli 10 qida" arasında yerini itirmir. Məsləhətim budur ki, qida rasionunuzda daha çox kəpəkli və iri  dənəli bulğura üstünlük verəsiniz.

Bulğur lif, vitamin və minerallarla zəngindir. Sizi tox tutmaq və insulini artırmaq ehtimalı düyüdən daha azdır. Düyüyə gəldikdə isə, qidalanma praktikası baxımından bir boşqab düyü ilə bir boşqab dənəvər şəkər yemək arasında  ciddi fərq yoxdur. Yenə də plov yeməyi sevirsinizsə o  zaman uzun (basmati) və təbii (cilalanmamış) düyü məsləhət görürəm”.

Yaşıl və qara zeytun arasındakı ən böyük fərq...

Prof. Dr. Osman Müftüoğlu zeytunun faydalarından da danışıb. Mütəxəssiz bildirib ki, bir çox ölkələrin qidalanma mədəniyyətində  qara zeytuna daha çox üstünlük verilir. Qara zeytun səhər yeməyi və qəlyanaltılarda həmişə prioritetdir. Qara zeytunda yağ miqdarı yaşıl zeytundan iki dəfə daha çoxdur. Buna görə daha çox kaloriyə malikdir. Dietoloqların "bir porsiya" olaraq təyin etdiyi "5-6 ədəd" (təxminən 15 qram) zeytunun tərkibində yaşıl zeytun üçün təxminən 20, qara zeytun üçün isə 50 kalori miqdarındadır. Bundan əlavə, qara zeytunda daha çox pulpa, natrium və fosfor var. Yaşıl zeytun isə qara zeytunla müqayisədə daha çox su, polifenol və A vitamini ilə zəngindir.

Mütəxəssisin sözlərinə görə, hər iki zeytun növü "xərçənglə mübarizə aparan" qidalar siyahısındadır. Zeytunun tərkibində olan maddələr güclü ağrı kəsici və sümük qoruyucudur. Ən nəhayətində zeytunun qara və ya yaşıl olmasına əhəmiyyət vermədən, gündə 10-15 zeytun yemək sağlamlığa faydalıdır. Əgər artıq çəkidən əziyyət çəkirsinizsə yaşıl zeytuna üstünlük verməyiniz məsləhət görülür.

Nigar Orucova, “İki sahil”