2024-cü ilin yanvar-mart aylarında Azərbaycanın xarici ticarət dövriyyəsi 9 mlrd 695.96 milyon dollara bərabər olub ki, bu da ötən illin eyni dövrünə nisbətən 17.6% azdır.

“İki sahil” xəbər verir ki, bu barədə Dövlət Gömrük Komitəsindən bildirilib.

Son bir ildə ölkə üzrə ixrac 22.7% azalaraq 5 mlrd. 984 milyon ABŞ dolları, idxal isə 7.9% azalaraq 3 mlrd. 711.63 milyon ABŞ dolları təşkil edib.

Xarici ticarət dövriyyəsinə 2 mlrd. 272.71 milyon dollarlıq müsbət saldo yaransa da, bu, ötən ilin eyni dövrünə nisbətən 38.9% az olub.