Beynəlxalq Valyuta Fondu (IMF) hələ də ABŞ-nin Federal Ehtiyat Sisteminin (FED) 2024-cü ildə monetar siyasətini yumşaltmağa doğru addım atacağını gözləyir.

“İki sahil” xəbər verir ki, bu barədə IMF-nin baş iqtisadçısı və Tədqiqatlar Departamentinin direktoru Pyer-Olivye Qurinşa bildirib.

“ABŞ-nin 2024-cü ildə müəyyən bir nöqtədə monetar siyasətini yumşaldacaq vəziyyətdə olacağını gözləməyə davam edirik”, - o, brifinqdə FED-in monetar siyasətini yumşaltması ehtimalını şərh edərkən deyib.

IMF-in baş iqtisadçısının sözlərinə görə, FED inflyasiya ilə mübarizədə və Amerika iqtisadiyyatında sabitliyin qorunmasında böyük irəliləyiş əldə edib.