ICESCO Azərbaycanla əməkdaşlıqdan qürur duyur.

“İki sahil” xəbər verir ki, bunu ICESCO-nun Baş direktoru Salim bin Məhəmməd əl-Maliki mayın 1-də Bakıda işə başlayan “Sülh və qlobal təhlükəsizlik naminə dialoq” mövzusunda VI Ümumdünya Mədəniyyətlərarası Dialoq Forumunun açılış mərasimində çıxışında deyib.

“Tarixi Şuşa şəhəri mayın 11-də İslam dünyasının mədəniyyət paytaxtı kimi fəaliyyətə başlamağa hazırlaşır. Biz Azərbaycan ilə ICESCO arasında davam edən əməkdaşlıqda mədəniyyət və sivilizasiya sahəsində, eləcə də bir çox digər sahələrdə tədbirləri, proqramları, layihələri əhatə edən yeni mərhələnin şahidi olmaqdan qürur duyuruq”, - o bildirib.

ICESCO-nun Baş direktoru Azərbaycan və Ermənistan arasında sərhədlərin delimitasiyası prosesinin başlanmasını da alqışlayıb.