Əskipara kəndi ilə bağlı film Ermənistanın birinci kanalının saytından silinib.

“İki sahil” xəbər verir ki, bu barədə kanalın keçmiş jurnalisti Marianna Paytyan sosial şəbəkə hesabında məlumat yayıb.

Erməni jurnalist yazıb ki, “Sərhəddə həyat” adlı sənədli film seriyası ümumilikdə saytdan silinib.

“Kanalın saytında Voskeparla bağlı bölümü axtarırdım. Məlum oldu ki, sərhəddəki yaşamla bağlı çəkdiyimiz bütün seriyalar saytdan silinib. Lakin məndə arxivlərdə qalıb.

Bir az da axtardım, gördüm ki, Şuşa şəhərinin işğal ediməsii ilə bağlı film, hətta Xankəndi xəstəxanasından hazırladığımız reportajları da siliblər”, - o əlavə edib.

Qeyd edək ki, Əskipara - Azərbaycan Respublikasının Qazax rayonunun inzibati ərazi vahidində kənddir. Azərbaycanın Ermənistan ərazisindəki 3 eksklav ərazisindən biridir.