Amerika maliyyə holdinqi “JP Morgan”ın Çin üzrə baş iqtisadçısı Zhu Haibin Çin Xalq Respublikasının iqtisadiyyatı üçün bu il artım proqnozunu 4,9 faizdən 5,2 faizə yüksəltdiyini açıqlayıb.

“İki sahil” xəbər verir ki, Zhu Haibin yenilənmiş proqnozunu dünən Şanxayda keçirilən “JP Morgan Qlobal Çin Sammiti”ndə çıxışı zamanı bildirib.

Z. Haibin Çin iqtisadiyyatında ilk rübdə qeydə alınan 5,3 faizlik artımın birja gözləntilərini aşdığına diqqət çəkdi. Z. Haibin Çinin valyutasının və məzənnəsinin il boyu sabit qalacağını gözlədiyini dilə gətirib.

Beynəlxalq Valyuta Fondunun (BVF) açıqladığı son hesabatda isə Çinin iqtisadi artım tempinin 2024-cü ildə 4,6 faiz olacağı bildirilib.