2023-cü ildə 1.3 milyon ton Qazaxıstan xam nefti Bakı-Tiblisi-Ceyhan (BTC) vasitəsi ilə nəql edilib.

“İki sahil”  APA-ya istinadla xəbər verir ki, bunu Bakı Enerji Həftəsi çərçivəsində keçirilən Bakı Enerji Forumunda çıxışı zamanı SOCAR prezidentinin müşaviri Zaur Qəhrəmanov deyib.

O bildirib ki, Qazaxıstan neftinin Azərbaycan vasitəsi ilə ixrac edilməsi ilə bağlı yeni razılaşmalar imzalanıb. Bu razılaşmalara görə, Qazaxıstan neftinin Azərbaycan terminalları vasitəsi ilə ötürülən həcminin 2.2 milyon tona çatdırılması planlaşdırılır.